काठमाडौं- नेपाली कांग्रेसले नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारबाट संविधानको रक्षा नहुने दाबी गरेको छ ।

बुधबार बसेको प्रतिनिधिसभाको बैठकमा सत्तापक्षकै सांसदको जुहारी परेपछि कांग्रेसका मुख्य सचेतक रमेश लेखकले यस्तो दाबी गरेका हुन् । बैठकबाट बाहिरिने क्रममा उनले भने, ‘हामीलाई सन्चो भएको छ । हाम्रो काम पनि उहाँहरुले नै गरिदिनुभएको छ । विपक्षी दलको काम पनि सत्ता पक्षले गरेपछि हाम्रो काम थोरै हल्का भएको छ ।’

अहिलेको आधारभूत विषयमै मतान्तर भएको सरकार भएकाले कसैकाे बारेमा कसैसँग कुरा नमिल्ने उनले तर्क गरे । 

लेखकले भने, ‘एकथरि सरकारमा रहेका साथीहरु संघीय लोकतान्त्रिक गणतन्त्रको वकालत गरिरहेका छन् । अर्कोथरि यो देशमा गणतन्त्र त कुनै हालतमा हुँदैन भनिराख्नुभएको छ । आजै तपाईंहरुले सुनिराख्नुभयो राजतन्त्र ल्याउने कुरा भइरहेको छ । अर्कोथरि संघीयता कुनै हालमा हुँदैन भनिरहेका छन् । यो त तमासाको सरकार भयो ।’

आजको प्रतिनिधिसभाको बैठक हेरेपछि यो सरकारले देश र जनताको लागि केही गर्न नसक्ने प्रस्ट भएको उनले टिप्पणी गरे ।

उनले भने, ‘मैले त सय दिनसम्म कुनै प्रतिक्रिया गर्दिनँ भनेको हो । तर, आज साथीहरु जुन रुपले प्रस्तुत हुनुभयो । त्यसले लक्षण राम्रो देखिएको छैन । यो सरकारबाट संविधानको रक्षा हुन्छ भन्ने विषयमै आशंका बढ्यो ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग