काठमाडौं – सत्तारुढ दल नेपाली कांग्रेसको १४औं महाधिवेशनमा भएको चुनावले प्रधानमन्त्री शेरबहादुर देउवा नेतृत्वको सरकारमा उथलपुथल हुने भएको छ ।

प्रधानमन्त्री देउवाले महाधिवेशनअघि नै आफूले सभापतिमा हारेमा प्रधानमन्त्रीबाट समेत हटाउने संकेत गरेका थिए । तर उनी सभापति जित्दै प्रधानमन्त्रीमा सुरक्षित रहने भएका छन् ।

तर चुनाव हार्ने केही मन्त्रीहरूले भने सरकारबाट बाहिरिनुपर्ने भएको छ । रक्षामन्त्री समेत रहेका महामन्त्री पदका उम्मेदवार मिलेन्द्र रिजालले त्यसको संकेत गर्दै मन्त्री पदबाट राजीनामा दिने घोषणा गरेका छन् ।

रिजालले भनेका छन्, ‘नेपाली कांग्रेसको चौधौं महाधिवेशनमा मैले प्रतिस्पर्धा गरेको महामन्त्री पदको प्रारम्भिक परिणामबाट नै स्पष्टरूपमा प्राप्त सन्देशलाई दृष्टिगत गर्दै रक्षामन्त्रीको पदबाट राजीनामा दिने निर्णय लिएको छु । अन्तिम परिणाम प्राप्त हुनासाथ सम्माननीय प्रधानमन्त्रीसमक्ष राजीनामा पेश गर्नेछु ।’

कांग्रेस महामन्त्रीमा गगनकुमार थापा र विश्वप्रकाश शर्माले अग्रता लिएका छन् भने प्रकाशशरण महत र प्रदीप पौडेलले पछ्याइरहेका छन् । मिनेन्द्र रिजाल प्रतिस्पर्धीबीच पाँचौं नम्बरमा रहेका छन् । महामन्त्रीमा २ जना निर्वाचित हुनेछन् । 

मन्त्री रिजाल मात्रै होइन, महाधिवेशनको सबै मतपरिणाम सार्वजनिक भइसकेपछि अन्य केही मन्त्री समेत हेरफेर हुने स्रोतले जनाएको छ । पछिल्लो चरणमा सरकार र महाधिवेशनमा मौका नपाएका नेताहरूलाई देउवाले सरकारमा भित्र्याउने भएका छन् ।

महाधिवेशनका लागि आफ्नो पक्षबाट प्यानल बनाउँदा समेत सरकारमा रहेका मन्त्रीहरूबीच खटपट भएको बताइन्छ । बाहिर नदेखिएपछि भित्रभित्रै एकअर्का नेताबीच असन्तुष्टि रहेका कारण देउवा पक्षको प्यानलमा अन्तर्घात भएको स्रोतले जनाएको छ । अन्तर्घातको हिसाबकिताब गरेर देउवाले सरकारमा फेरबदल गर्ने जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग