अब देउवाको नजरमा प्रकाशमान सिंह, सभापति जित्न यस्तो खेल सुरु
अब देउवाको नजरमा प्रकाशमान सिंह, सभापति जित्न यस्तो खेल सुरु
काठमाडौं – सत्तारुढ दल नेपाली कांग्रेसको सभापतिका लागि भएको चुनाव दोस्रो चरणमा जाने निश्चित भएपछि सभापति शेरबहादुर देउवाले अर्का उम्मेदवार प्रकाशमान सिंहलाई फकाउन सुरु गरेका छन् ।
देउवाले दोस्रो चरणको चुनावको तयारीका लागि सिंहलाई फकाउने खेल सुरु गरिसकेका छन् ।
सभापति पदमा सबैभन्दा बढी मत प्राप्त गरेका शेरबहादुर देउवालाई समर्थनको आग्रह गर्दै गृहमन्त्री बालकृष्ण खाँण नेता प्रकाशमान सिंहलाई भेट्न चाक्सीबारी पुगेका जनाइएको छ ।
सभापतिमा कूल ४६७९ मतगणना हुँदा शेरबहादुर देउवाले २२५८, शेखर कोइरालाले १७२९, प्रकाशमान सिंहले ३७१, विमलेन्द्र निधिले २४९, कल्याण गुरुङले २० मत ल्याएका छन् ।
कांग्रेस महाधिवेशनमा ४ हजार ७४३ प्रतिनिधि चुनिएर आएकामा ४ हजार ६७९ जनाले मतदान गरेका निर्वाचन समितिले जनाएको छ । सभापति निर्वाचित हुन खसेको मतको ५० प्रतिशतभन्दा बढी मत ल्याउन अनिवार्य हुने व्यवस्था कांग्रेस विधानले गरेको छ । जसअनुसार सभापति जित्न २३४० मत चाहिने थियो ।
अब दोस्रो चरणमा सभापति देउवा र डा. शेखर कोइरालाबीच प्रतिस्पर्धा हुने भएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४