काठमाडौं – सत्तारुढ दल नेपाली कांग्रेसको १४औं अधिवेशन अन्तर्गत कास्की जिल्लाको अधिवेशनका लागि बिहीवार उम्मेदवारी दर्ता गरिएको छ ।

जिल्ला सभापति पदका लागि ५ जनाले उम्मेदवारी दर्ता गरेको निर्वाचन समितिका संयोजक अधिवक्ता आरसी विमल पौडेलले बताएका छन् ।

सभापति पदमा आइबहादुर गुरुङ, सुदीपमोहन भट्टराई, किशोरदत्त बराल, पोषनाथ शर्मा र गिरीराज गौतमले उम्मेदवारी दर्ता गरेका छन् ।

कांग्रेस वरिष्ठ नेता रामचन्द्र पौडेल पक्षको बाहुल्यता रहेको मानिएको कास्कीमा सभापति पदका लागि सभापति शेरबहादुर देउवा पक्षले एउटै प्यानल बनाएको छ भने पौडेल पक्षका ४ वटा प्यानल रहेका छन् । पौडेल पक्षका नेताहरूबीच सहमति हुन नसकेपछि ४ वटा प्यानल बन्न पुगेपछि देउवा पक्षले कास्कीमा कब्जा गर्ने विश्लेषण भइरहेको छ ।

देउवा पक्षका सभापतिका उम्मेदवार किशोरदत्त बरालको प्यानलबाट उपसभापतिमा हरिप्रसाद शर्मा लामिछाने र लेखबहादुर गुरुङ, सचिवमा भरतप्रसाद तिवारी र अमृतकुमार श्रेष्ठ, सहसचिवमा विकास थापा र कृष्णमान ठुसाजु उम्मेदवार रहेका छन् ।

सभापति पदमा उम्मेदवारी दिएपछि देउवा पक्षका उम्मेदवार बरालले पत्रकार भेटघाटमार्फत कांग्रेसको रूपान्तरणका लागि आफूले उम्मेदवारी दिएको बताएका छन् ।

नेपाल शिक्षक संघका पूर्व केन्द्रीय अध्यक्ष रहेका बरालले नेपाली कांग्रेस रूपान्तरणका सूत्रहरू भाग–१ पुस्तकका लेखक छन् । आफूले पुस्तकमा लेखेका एजेण्डा व्यवहारमा उतार्न सभापतिको उम्मेदवार बनेको बताएका छन् ।

कांग्रेसका पूर्णकालीन कार्यकर्ता उत्पादनमा लाग्नुपर्ने भन्दै बरालले अब उद्यमशील कार्यकर्ताको अवधारणा ल्याउनुपर्ने बताएका छन् । बराल देउवा पक्षबाट एक्लै उम्मेदवार रहेका र पौडेल पक्षमा फुट रहेकाले देउवा पक्षले जित्ने विश्लेषण भइरहेको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग