काठमाडौं – नेपाली कांग्रेसका सभापति तथा प्रधानमन्त्री शेरबहादुर देउवाले पार्टीको १४औं महाधिवेशनका लागि महाधिवेशन प्रतिनिधि पदमा जीत निकालेका छन् ।

सभापति देउवा गृहजिल्ला डडेल्धुरामा भएको जिल्ला अधिवेशनबाट महाधिवेशन प्रतिनिधिमा विजयी भएका छन् ।

सभापति देउवाले ७९१ मत पाएका निर्वाचन अधिकृत लोकेन्द्रबहादुर बमले जानकारी दिए । निर्वाचनमा कूल १ हजार २८४ मतदाता रहेकोमा ८४६ मत खसेको हो । जसमध्ये देउवाले ७९१ मत पाएका छन् ।

नेपाली कांग्रेसको विधानको धारा १५ को उपधारा १(ग) मा केन्द्रीय कार्यसमितिका पदाधिकारी र सदस्यहरू स्वतः एक अवधिका लागि महाधिवेशन प्रतिनिधि हुने उल्लेख भए पनि देउवा डडेल्धुराबाट नै महाधिवेशन प्रतिनिधि निर्वाचित हुँदै आएका छन् ।

महाधिवेशन प्रतिनिधि खुला तर्फबाट सभापति देउवासँगै गोविन्दराज बोहरा, जगतबहादुर ऐर, जनकराज कलौनी, तारकबहादुर बुढाएर, नवलबहादुर मल्ल, नरभान कामी, नैनसिंह महर, रघुवर भट्ट र सुरेशराज जोशी निर्वाचित भएका छन् ।

यसअघि डडेल्धुराबाट महाधिवेशन प्रतिनिधिमा देउवापत्नी आरजु राणा देउवा सर्वसम्मत निर्वाचित भएकी थिइन् । खुला महिलाबाट राणासहित ४ जना महिला सर्वसम्मत महाधिवेशन प्रतिनिधि निर्वाचित भएका हुन् । जसमा आरजुसहित सरस्वती खड्का, कौशिला भट्ट र कलावतीदेवी बोहरा रहेका छन् । 

महाधिवेशन प्रतिनिधि खसआर्य पुरुषतर्फ जनकराज चटौत, डम्बरराज जोशी, मिनबहादुर चन्द र सम्पन्नराज भट्ट चयन भएका छन् । महाधिवेशन प्रतिनिधि खसआर्य महिलामा कुमारी राजु भट्ट जोशी, पार्वतीदेवी झुकाल र मनकुमारी थापा चयन भएका छन् ।

दलित महिला समावेशीतर्फ हरिनादेवी कामी र दलित पुरुष समावेशी महाधिवेशन प्रतिनिधिमा सन्तोष जैरु चयन भएका जनाइएको छ ।

समावेशी जनजाति महाधिवेशन प्रतिनिधिमा बलबहादुर गुरुङ र समावेशी अपाङ्ग अल्पसंख्यकतर्फ जयप्रकाश भट्ट सर्वसम्मत निर्वाचित भएका निर्वाचन अधिकृत बमले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग