काठमाडौं – नेपाली कांग्रेसका सभापति तथा प्रधानमन्त्री शेरबहादुर देउवाले प्राकृतिक विपत्तिका बेला राजनीतिभन्दा माथि उठेर पीडित जनताको उद्धार र राहतको काममा लाग्न कार्यकर्तालाई निर्देशन दिएका छन् ।

बिहीबार बाढीपहिरो प्रभावित क्षेत्रको भ्रमणका क्रममा सुदूरपश्चिम पुगेका प्रधानमन्त्री देउवाले बिहीवार धनगढीमा आयोजित कार्यकर्ता भेटघाट कार्यक्रमलाई सम्बोधन गर्दै बाढीपहिरो र डुबान तथा नदी कटानको अवस्था गम्भीर देखिँदा आफू दुःखित भएकोे बताएका छन् ।

बाढी डुबान र पहिरोबाट सुदूरपश्चिमबाहेक देशका पूर्वी भेगका जनता समेत पीडित बनेको उल्लेख गर्दै देउवाले बाढीपीडितलाई तत्काल राहत उपलब्ध गराइने बताएका छन् ।

‘बाढीपहिरो पीडितलाई राहत प्याकेज उपलब्ध गराउन मन्त्रिपरिषद्ले निर्णय गरेको छ,’ देउवाले भने, ‘काठमाडौं पुगेपछि उपलब्ध गराइने राहतका बारेमा थप छलफल गरिने छ ।’  
प्रधानमन्त्री देउवाले प्राकृतिक प्रकोपबाट प्रभावित जनताले भोगेको दुःख मनन् गरेर सरकारले सक्दो सहयोग गर्ने प्रतिवद्धता समेत व्यक्त गरेका छन् । 

कार्यक्रममा सहभागी स्थानीय नेता कार्यकर्ताले वर्षापछि कैलालीमा भएको डुबान तथा कटानले विकराल समस्या निम्त्याएको र किसानको हजारौं बिगाहामा लगाइएको धानबाली नष्ट भएको भन्दै पीडित किसानलाई नेपाल सरकारले उचित राहतको व्यवस्था गर्नुपर्ने माग गरेका छन् ।

प्रधानमन्त्री देउवाले वर्षासँगै उत्पन्न बाढीपहिरो, डुबान, नदी कटानबाट डोटी, बझाङ, बैतडी, डडेल्धुरा र कञ्चपुरमा भएको क्षतिको निरीक्षण अवलोकन गरेका छन् ।
 
प्रधानमन्त्री देउवा नेतृत्वको टोलीमा अर्थमन्त्री जनार्दन शर्मा, संस्कृति, पर्यटन तथा नागरिक उड्डयनमन्त्री प्रेम आले, पूर्व मन्त्री एनपी साउँद, रमेश लेखक, वीरबहादुर बलायर लगायत सहभागी रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग