नेता एनपी साउँदको त्यो कुराले प्रधानमन्त्री देउवालाई घच्घच्याएपछि अकस्मात यस्तो निर्णय
नेता एनपी साउँदको त्यो कुराले प्रधानमन्त्री देउवालाई घच्घच्याएपछि अकस्मात यस्तो निर्णय
काठमाडौं – नेपाली कांग्रेसका सभापति तथा प्रधानमन्त्री शेरबहादुर देउवा बिहीवार गृहप्रदेश सुदूरपश्चिममा बाढीपहिरोले पुर्याएको क्षतिको निरीक्षण गर्न जाने निर्णय भएको छ ।
सुदूरपश्चिमको कञ्चनपुरमा महाकाली नदीले गरेको कटानको प्रत्यक्ष निरीक्षण गरेका नेता एनपी साउँदले अवस्थाबारे सुनाएपछि देउवाले स्वयं निरीक्षणमा जाने निर्णय गरेका हुन् ।
प्रधानमन्त्री देउवा १ मन्त्री र ३ जना पूर्व मन्त्रीका साथमा गृहप्रदेशमा बाढीपहिरोले पुर्याएको क्षतिको निरीक्षणमा जान लागेका छन् ।
नेपाली कांग्रेसका नेता तथा पूर्वमन्त्री एनपी साउदसँग बुधवार अपराह्न भएको छलफलका क्रममा देउवाले बिहीवार बिहान सुदूरपश्चिमको निरीक्षणका लागि जाने तय गरेका छन् । प्रधानमन्त्री देउवा, नेता साउँद, संस्कृति, पर्यटन तथा नागरिक उड्डयनमन्त्री प्रेम आले सुदूरपश्चिम जाने भएका छन् ।
निरीक्षण टोलीमा कांग्रेस केन्द्रीय सदस्यहरू रमेश लेखक र वीरबहादुर बलायर समेत रहने जनाइएको छ । टोली काठमाडौंबाट सोझै कुन जिल्ला जाने भन्नेबारे तय भई नसकेको नेता साउँदले बताए ।
छलफलका क्रममा आफूले प्रधानमन्त्रीलाई नदी किनारका बस्तीहरू जोखिममा रहेका, पहाडी जिल्लामा पहिरोको उच्च जोखिम रहेको, सडक सञ्जाल भताभुङ्ग भएको, विद्युत्, टेलिफोन सेवा अवरुद्ध भएकोबारे जानकारी गराएको नेता साउँदले बताएका छन् ।
उनले भने, ‘सुदूरपश्चिमका २ जिल्ला कैलाली र कञ्चनपुरका किसानले धानको एकतिहाइ खेतबाट घर ल्याउन सकेका छैनन् । कतै धान बगाएको छ भने कतै डुबाएको छ । यसबारे मैले प्रधानमन्त्रीलाई अवगत गराएको छु ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४