काठमाडौं – नेपाली कांग्रेसको १४औं महाधिवेशन अन्तर्गत अधिकांश जिल्लामा पालिका कार्यसमिति चयन गर्न निर्वाचन भएका छन् ।

जसमध्ये रुपन्देही जिल्लामा सभापति शेरबहादुर देउवा पक्ष बलियो देखिएको छ । रुपन्देहीका १६ पालिकामध्ये ६ वटा नगरपालिकामा आएको परिणामअनुसार देउवा पक्षले ४ वटा पालिकामा जितेको छ भने वरिष्ठ नेता रामचन्द्र पौडेल पक्ष २ पालिकामै सीमित भएको छ ।

रुपन्देहीको जिल्ला सदरमुकाम भैरहवाको सिद्धार्थनगर नगरपालिका, गृहमन्त्री बालकृष्ण खाँणको गृहनगर तिलोत्तमा नगरपालिका, सैनामैना र लुम्बिनी सांस्कृतिक नगरपालिकाको नेतृत्वमा देउवा पक्षका सभापति विजयी भएका छन् । बुटवल उपमहानगरपालिका र देवदह नगरपालिकामा पौडेल पक्षले जितेको छ ।

बुटवल उपमहानगरमा पौडेल पक्षका खेलराज पाण्डेले जितेका छन् । देवदहमा पौडेल पक्षका गुणखर भुर्तेल विजयी भएका छन् ।

देउवा पक्षबाट तिलोत्तमामा हरिलाल पाण्डे, सिद्धार्थनगर नगरपालिकामा कोसिस खड्का, सैनामैना नगरपालिकामा रणबहादुर खनालको प्यानल विजयी भएको छ ।

लुम्बिनी सांस्कृतिक नगरपालिकामा देउवा पक्षका मोहमह सइद खाँको नेतृत्वमा सर्वसहमतिमा नेतृत्व चयन भएको जिल्ला निर्वाचन अधिकृत भेषराज घिमिरेले बताएका छन् ।

शनिवार नै निर्वाचन भएको रुपन्देहीको मायादेवी गाउँपालिकामा पदम भण्डारीको प्यालन नै विजयी भएको छ । कञ्चन गाउँपालिकामा भएको निर्वाचनमा देवीराम रेग्मीको प्यानल विजयी भएको छ । रोहिणी गाउँपालिकाको सभापतिमा तारकनाथ योगीको प्यानलले जितेको छ । रुपन्देहीको शुद्धोधन गाउँपालिकामा भएको निर्वाचनमा सभापतिमा दामोदर पौडेलले जितेका छन् । यी सबै सभापति देउवा पक्षका हुन् ।

गैडहवा गाउँपालिकाको सभापतिमा सत्यनारायण पथिक, मर्चवारी गाउँपालिकाको सभापतिमा जनार्दन यादव, कोटहीमाई गाउँपालिकाको सभापतिमा अवधराम यादव र ओमसतीया गाउँपालिकाको सभापतिमा भगवानप्रसाद चौधरीसहित सबै टीम निर्विरोध चयन भएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग