काठमाडौं – नेपाली कांग्रेस संसदीय दलको बैठकले अमेरिकी सहयोगको एमसीसी सम्झौता संसदबाट पारित गर्ने निर्णय गरेको छ ।

मंगलबार बसेको बैठकले नेपालको विकासका लागि एमसीसी पारित गर्ने निर्णय गरेको हो ।

भोलि बुधबारदेखि सुरु हुने संसद अधिवेशनमा एमसीसी टेबुल भएर पारित हुने भएकाले संसदीय दलले पार्टी अधिवेशनका लागि देशभरका जिल्ला–जिल्लामा गएका सांसदलाई तत्काल काठमाडौं आउन ह्वीप जारी गरेको छ ।

बैठकलाई सम्बोधन गर्दै प्रधानमन्त्री शेरबहादुर देउवाले एमसीसीको सहयोग ल्याउँदैमा अमेरिकी सेना नेपाल आउने भनेर कम्युनिस्टहरुले भ्रम फैलाएको आरोप लगाएका छन् ।

देउवाले भने, ‘एमसीसी आर्थिक सहयोग हो । देशको विकासका लागि ल्याउन खोजेको हो । एमसीसी अनुमोदन गर्दा अमेरिकी सेना आउँछ भनेर हल्ला फैलाइयो, त्यस्तो कहाँ लेखिएको छ ?’

उनले प्रमुख प्रतिपक्षी दल नेकपा एमालेका अध्यक्ष केपी शर्मा ओली सरकारमा छँदा एमसीसी अनुमोदनको कुरा गरेको र प्रतिपक्षमा पुग्ने बित्तिकै विरोध गरिरहेको बताए ।

कांग्रेस सभापति समेत रहेका देउवाले भने, ‘सरकारमा छँदा एउटा कुरा गर्ने, सरकार बाहिर गएपछि भातृ संगठनलाई सडकमा उतार्ने ? राजनीति गर्नेले यस्तो दोहोरो कुरा गर्न मिल्छ ?’

सभापति देउवाले देशको विकासका लागि यसअघि आफू प्रधानमन्त्री रहेको समयमा एमसीसीमा हस्ताक्षर भएको र यो देशहितको पक्षमा रहेको दाबी गरेका छन् । ‘एमसीसीबाट नेताहरुले पैसा खाए भनेर आरोप लगाइएको छ, कुनै देशले व्यक्तिलाई पैसा दिन्छ ?’ उनले भने ।

प्रधानमन्त्री देउवाले सत्ता गठबन्धनमा एमसीसी पास गर्नेबारे सहमति जुटाउने दाबी गरेका छन् । 

बैठकले संसदको बैठकमा अनिवार्य उपस्थितिका लागि सांसदहरूलाई ह्वीप लगाउने निर्णय समेत गरेको छ । पार्टीको अधिवेशनको लागि सांसदहरू जिल्लामा गएकाले जिल्लाका कार्यक्रम छोट्याएर संसदको बैठकमा आउन निर्देशन दिने निर्णय भएको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग