काठमाडौं – प्रधानमन्त्री शेरबहादुर देउवा सरकारले अफगानिस्तानमा रहेका नेपालीलाई छिटोभन्दा छिटो उद्धार गरेर नेपाल ल्याउने निर्णय गरेको छ ।

बालुवाटारमा सोमबार बिहान बसेको मन्त्रिपरिषद्को आकस्मिक बैठकले अफगानिस्तानमा रहेका नेपालीलाई सकुशल रूपमा छिटो उद्धार गर्ने निर्णय गरेको हो ।

प्रवक्ता ज्ञानेन्द्रबहादुर कार्कीले अफगानिस्तानमा विकसित घटनाप्रति गम्भीर चासो लिँदै नेपालीलाई सकुशल शीघ्र उद्धार गर्ने र त्यसका लागि नेपाल सरकारका सम्बन्धित निकायले समन्वयात्मक रुपले काम गर्न निर्देशन दिने निर्णय भएको जानकारी दिए ।

यसअघि प्रधानमन्त्री शेरबहादुर देउवाले अफगानिस्तानमा रहेका नेपालीलाई उद्धार गर्ने जिम्मेवारी सरकारले पूरा गर्ने बताइसकेका छन् ।

सुरक्षा र उद्धार प्रतिक्षा गरिरहेका नेपालीका लागि आवश्यक समन्वय र अभिभावकत्व सरकारको दायित्व रहेको प्रधानमन्त्री देउवाले बताएका छन् ।

देउवाले अफगानिस्तानमा नेपालीको उपस्थिति र स्थितिको तथ्य लिन तथा अत्यावश्यक स्थितिमा उद्धार प्रबन्ध मिलाउन आईतवार नै निर्देशन दिएका थिए ।

तालिबान लडाकुले अफगानिस्तान कब्जा गरेसँगै नेपालीहरू उद्धारको पर्खाइमा रहेका छन् । केही नेपालीलाई अमेरिकाले उद्धार गरेर दोहा पुर्‍याइसकेको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग