काठमाडौं – सत्तारुढ दल नेपाली कांग्रेसले क्रियाशील सदस्यताबारेको विवाद ५ दिनभित्र टुंग्याउने निर्णय गरिएको छ ।

बिहीबार पार्टी सभापति शेरबहादुर देउवाको निजी निवास बूढानीलकण्ठमा बसेको पदाधिकारी तथा पूर्व पदाधिकारीको बैठकले क्रियाशील सदस्यता छानविन समितिले क्रियाशील सदस्यताको सम्बन्धमा टुंग्याउन नसकेको विषयहरूलाई पार्टीका शीर्ष नेताले ५ दिनभित्र टुंग्याउने निर्णय गरेको छ ।

विवादित विषयहरूलाई ५ दिनभित्र शिर्ष नेताले टुंग्याएपछि महाधिवेशनका बाँकी प्रक्रिया प्रारम्भ हुने समितिका संयोजक तथा नेता रमेश लेखकले बताएका छन् ।

‘क्रियाशील सदस्यता छानविन समितिले नेताहरूलाई प्रतिवेदन बुझाइसकेका छौं १२ गते । हामीले जुन मापदण्ड बनाएका थियौं, क्रियाशील सदस्यता छानविन समितिले नेताहरूकै परामर्शबाट हामीहरूले मापदण्ड बनाएका थियौं र त्यो मापदण्डले हाम्रो समितिमा सहमतिले निर्णय हुन नसकेका विषयहरूलाई केन्द्रीय नेताहरूको तहमा निर्णय गर्ने भनेर हाम्रो मापदण्डमा थियो,’ संयोजक लेखकले भने ।

क्रियाशील सदस्यता छानविनको अधिकांश काम सकिएको नेता लेखकले बताए । केही विषयहरू केन्द्रीय नेताको तहमै निर्णय गर्नुपर्ने भनेर पहिचान समेत गरिसकेको भन्दै नेता लेखकले केन्द्रीय नेताहरूको तहमा प्रस्तुत गरिएको समेत बताएका छन् ।

संयोजक लेखकले भने, ‘आजको छलफल परामर्शपछि केन्द्रीय नेताहरूको तहमा प्रस्तुत गरिएका विषयहरू, निर्णयका लागि प्रस्तुत गरिएका विषयहरूमा केन्द्रीय नेताहरूको तहबाटै छलफल गरेर निर्णय गर्ने भन्ने छ र उहाँहरूले त्यो निर्णय गर्नुहुन्छ र त्यसपछि अरु प्रक्रियाहरू पनि अगाडि बढ्छन् । अरु पार्टीबाट आएका मानिसको समायोजन गर्ने विषय छन् । ५ दिनभित्र नेताहरूले निर्णय गर्ने भनिएको छ । त्यसपछि निर्वाचन समितिका कामहरू अघि बढ्ने छन् ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग