काठमाडौँ - बहुमतीय सरकार गठनका लागि राष्ट्रपतिले दिएको तीन दिनको समयसीमाका आज अन्तिम दिन । बिहीबार राति ९ बजेभित्र नयाँ सरकारका लागि दाबी पेस गर्नुपर्ने हुन्छ ।

त्यसअघि नै बहुमत सांसदको हस्ताक्षर जुटाउन नेपाली कांग्रेस र जसपाका शीर्ष नेताबीच कांग्रेस सभापति शेरबहादुर देउवा निवास बुढानिलकण्ठमा सघन भेटवार्ता भएको छ ।

जसपा अध्यक्ष महन्थ ठाकुर र वरिष्ठ नेता राजेन्द्र महतो देउवालाई भेट्न बूढानीलकण्ठ पुगेका थिए । नेताहरूबीच आगामी निर्वाचनसम्म कसरी जाने भन्ने विषयमा सघन वार्ता भएको बताइएको छ ।

जसपाको उपेन्द्र यादव समूह देउवालाई प्रधानमन्त्री बनाएर ओलीलाई ढाल्नुपर्ने पक्षमा छ । तर, ठाकुर र महतो विपक्षमा छन् । यस्तो अवस्थामा महतो र ठाकुर दुवै देउवा निवास पुग्नुलाई अर्थपूर्ण रुपमा हेरिएको छ ।

कांग्रेस र जसपाबीच चुनावी सरकारको नेतृत्व कसले गर्ने भन्ने विषयमा सहमति जुटेमा ओली सरकार विस्थापित भएर नयाँ सरकार गठन हुने सम्भावना धेरै रहेको स्रोतले बतायो ।

अहिले देउवाले सरकारको नेतृत्व गर्ने र चुनावी सरकारको नेतृत्व ठाकुरले गर्ने गरी सहमति जुटाउने प्रयास भइरहेको छ । तर, कांग्रेसभित्र अहिले ओलीलाई फाल्न ठाकुरलाई प्रधानमन्त्री र चुनावी सरकार भने देउवाको नेतृत्वमा गठन गर्नसकिनेमा विकल्प खुला राख्न छलफल भइरहेको छ । कांग्रेस नेता अर्जुननरसिंह केसीले अहिले महन्थ ठाकुरलाई प्रधानमन्त्री बनाएर ओलीलाई ढाल्नुपर्ने बताइसकेका छन् ।

कांग्रेस र माओवादी केन्द्रमा यो विषयले प्रवेश पाएको छ । हिजो बाबुराम भट्टराईले इन्डोर्स गरेको विषय पनि यही हुन सक्ने अनुमान गरिएको छ । नयाँ सरकार गठनबारे आज साँझसम्म नयाँ नयाँ ट्विस्ट आउने देखिएको छ । कांग्रेसको पदाधिकारी बैठकबारे अहिले सबैको चासो देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग