काठमाडौं – नयाँ सरकार निर्माणको प्रयास भइरहेका बेला जनता समाजवादी पार्टी (जसपा) अध्यक्ष महन्थ ठाकुर र राजेन्द्र महतोलाई भेटेपछि नेपाली कांग्रेसका सभापति शेरबहादुर देउवाले पार्टी पदाधिकारीको आकस्मिक बैठक बोलाएका छन्।

बिहीवार बिहान जसपाका अध्यक्ष महन्थ ठाकुर र राजेन्द्र महतोलाई बुढानिलकण्ठमै भेटेका देउवाले अपराह्न ४ बजे पदाधिकारी बैठक बोलाएका छन् ।

राष्ट्रपति विद्यादेवी भण्डारीले संविधानको धारा ७६(२( अनुसार नयाँ सरकार गठनका लागि दलहरुलाई दिएको समय बिहीबारै राति ९ बजे सकिने भएको छ ।

तोकिएको समयभित्र पार्टीले सरकारका लागि दाबी गर्ने कि नगर्ने भन्नेबारे देउवाले पदाधिकारीसँग छलफल गर्न चाहेको स्रोतले जनाएको छ । देउवाको नेतृत्वमा नयाँ सरकार बनाउन माओवादी केन्द्र तयार भए पनि जसपाको महन्थ ठाकुर समूहले सहमति दिएको छैन ।

प्रधानमन्त्री केपी शर्मा ओलीले एमालेलाई एकजुट राख्न माधवकुमार नेपाल समूहलाई फकाउन कारवाही फुकुवाको निर्णय गरिसकेका छन् । यस्तो बेला नयाँ सरकार बन्ने सम्भावना कमजोर हुँदै गएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग