आजको विशेष
ओलीको मिसन, खोपमा कमिसन
ओलीको मिसन, खोपमा कमिसन
काठमाडौं- देशले कोरोना भाइरसको दोस्रो लहरले थला पार्दै लगेको छ । दैनिक संक्रमित र मृत्यु हुनेको दल बढ्दै गएको छ ।
तर, एक वर्षदेखि प्रधानमन्त्री केपी ओली भाइरस नियन्त्रण र जोखिम कम गर्न होइन, आफ्नो कुर्सी कसरी जोगाउने, विरोधीलाई कसरी पछार्ने भन्ने खेलमै व्यस्त छन् ।
कोरोनाको पहिलो लहरको ओम्नी र यति समूहसँग उपप्रधानमन्त्री ईश्वर पोखरेल र तत्कालीन स्वास्थ्यमन्त्री भानुभक्त ढकाल लपक्कै लागेका थिए । चीनबाट आयातित स्वास्थ्य सामग्रीमा करोडौं रुपैयाँ भ्रष्टाचार भएको संसदको सार्वजनिक लेखा समितिले नै सार्वजनिक गरेको थियो । तर, ओलीले पोखरेल र ढकाललाई कारबाहीको दायरमा ल्याएनन्, बरु झन् प्रमोसन गरे ।
कोरोनाको दोस्रो लहरमा हुकम कम्पनीसँग प्रधानमन्त्री ओलीकै घाँटी जोडिएको छ । हुकमलाई महँगो मूल्यमा कोरोनाविरुद्धको खोप खरिद गर्ने अधिकार दिइएको छ । जबकि प्रतिखोप ६ अमेरिकी डलरमै नेपाल ल्याइदिने खोप उत्पादक कम्पनीले स्वास्थ्य मन्त्रालयलाई पत्र नै पठाएको छ ।
पहिले नै आर्थिक अनियमिततामा मुछिएका उपप्रधानमन्त्री पोखरेललाई अहिले खोप खरिद गर्ने अधिकार दिन जिम्मेवारी तोकिएको छ । देशमा कोरोनाबाट मृत्यु र संक्रमित हुनेको संख्या बढेसँगै स्वास्थ्यमन्त्री हृदयेश त्रिपाठीले केही खोपका एजेन्टका कारण खोप ल्याउन नसक्ने केही समयअघि बताएका थिए ।
तर, त्यसबेला उनले सार्वजनिक गरेको तथ्यबारे कसैले चासो राखेन । जब नेपाल सरकारले ५० लाख खोप भारतको सिरम इन्स्टिच्युटबाट खरिद गर्ने तयारीका लागि पहिले २० लाख खोपका लागि अग्रिम भुक्तानी दियो, ओलीसँगै घाँटी जोडिएका सुरज वैद्य र विजय दुगडले कमिसन नआएसम्म खोप ल्याउन नदिन लबिङ गरे । जसका कारण सिरमले दोस्रो लटको १० लाख डोज खोप पठाएको छैन ।
अहिले नेपालीलाई कोरोनाविरुद्धको खोप लगाउनबाट वञ्चित गराउने अरु कोही नभएर ओलीले नै संरक्षण गर्दै आएका वैद्य र दुगड हुन् । जसले नेपालीमाथि अपराध गरेका छन् । यसमा ओली नै सामेल भएको देखिएको छ ।
होइन भने ओलीले तिनलाई किन कारबाही गर्न सक्दैनन् भन्ने प्रश्न जनताले गर्न थालेका छन् । नेपालका लागि खोप खरिदमा दलाल व्यापारीहरुको संलग्नता रहेको र उनीहरुलाई सत्ताकै संरक्षण भएको स्वास्थ्यमन्त्री हृदयेश त्रिपाठीले सार्वजनिक गरेपछि मात्र खोप खरिदमा ३६ करोड कमिशनको विवाद बाहिरिएको हो ।
नेपाली सेनाले निर्माण गर्दै आएको फाष्ट ट्रयाकमा ६ अर्वको भ्रष्टाचारमा प्रधानमन्त्री ओलीकै संलग्नता रहेको भन्दै समाचार आइरहेका बेला खोप खरिदमा प्रधानमन्त्रीको नाम मुछिनुले देश कसरी चलिरहेको पुष्टि हुन्छ ।
होइन भने सार्वजनिक पदधारण गरेको व्यक्तिले स्पष्टीकरण दिनुपर्छ कि पर्दैन ? जनताले प्रश्न गर्न थालेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४