राजनीतिक बिशेष
कमिसन नपाएपछि ओलीका भित्रियाले १० लाख डोज खोप नेपाल आउन दिएनन्, सर्वत्र विरोध
कमिसन नपाएपछि ओलीका भित्रियाले १० लाख डोज खोप नेपाल आउन दिएनन्, सर्वत्र विरोध
काठमाडौं - कमिसन नपाएपछि प्रधानमन्त्री केपी ओलीका भित्रियाले भारतबाट आउने १० लाख कोभिसिल्ड खोप रोक्न लगाएको विषयले अहिले व्यापक चर्चा पाएको छ । जसको चौतर्फी विरोध भएको छ ।
बेलायतको अक्सफोर्ड विश्वविद्यालयले विकास गरेको अष्ट्राजेनिका खोपको व्यावसायिक उत्पादन भारतको पुणेस्थित सेरुम इन्स्टिच्यूट इण्डिया प्रालिले सुरु गरेपछि भारतले नेपाललाई १० लाख डोज खोप अनुदानमा दियो ।
नेपालले सेरमसँग थप २० लाख डोज खोपको सम्झौता गरेको थियो । त्यसमा १० लाख डोज खोप आइसकेको थियो । १० लाख डोज खोप आउन बाँकी थियो ।
तर, आफूले कमिसन पाउनुपर्ने भन्दै सेरुम इन्स्टिच्यूटका नेपाली कमिसन एजेण्ट सुरज वैद्य र विजय दुगडले खेलोफड्को गरेपछि रोकिएको बुझिएको छ ।
त्यसपछि नै सेरुमले अचानक स्वास्थ्य मन्त्रालयलाई सम्झौता भइसकेको १० लाख डोज खोप दिन आनाकानी गर्दै स्थानीय एजेण्टमार्फत् प्रक्रिया अघि बढाउन आग्रह गर्दै पत्र पठाएको बुझिएको छ ।
सेरुमले पत्र पठाइसकेपछि कमिसन एजेण्टको चालबाजी बुझेका स्वास्थ्यमन्त्री हृदयेश त्रिपाठीले प्रधानमन्त्री केपी ओलीलाई ब्रिफ गरे । ‘हजुरहरूकै मान्छे हुन्, यस्तो चलखेल गरिरहेका छन् । के गर्ने हो ?’ जवाफमा प्रधानमन्त्रीले भने, ‘ए हो र ? तिनै पो रहेछन् ।’ वैद्य एमालेसँग निकट व्यवसायी हुन् ।
प्रधानमन्त्री ओलीसँग उनको भित्री सम्बन्ध छ । सोही कारण ओलीले वैद्यलाई ‘भिजिट नेपाल २०२०’ को संयोजक बनाएका थिए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४