काठमाडौं – प्रमुख प्रतिपक्षी दल नेपाली कांग्रेसको पदाधिकारी र पूर्व पदाधिकारीको बैठकले सरकारमा जाने विषयमा हतारमा कुनै निर्णय नगर्ने निर्णय गरेको छ ।

बिहीवार पार्टी सभापति शेरबहादुर देउवा निवास बूढानिलकण्ठमा बसेको पदाधिकारी बैठकले राजनीतिक निकासका विभिन्न पक्षमा छलफल गरे पनि संसदीय दलको बैठकपछि निर्णय गर्ने सामूहिक निष्कर्ष निस्किएको छ ।

नेपाली कांग्रेसभित्र पुनःस्थापित प्रतिनिधि सभालाई कसरी उपयोग गर्ने भन्ने विषयमा पार्टी सभापति शेरबबहादुर देउवा पक्ष र वरिष्ठ नेता रामचन्द्र पौडेलबीच फरक–फरक मत रहँदै आएको छ ।

सभापति, महामन्त्री लगायतका पदाधिकारीहरू कांग्रेस पक्ष निर्णायक हुने गरी परिवर्तित अवस्थाको उपयोग गर्ने पक्षमा छ भने रामचन्द्र पौडेल भने सत्तारुढ नेकपाको ओली पक्ष बाहेकको शक्तिसँग मिलेर राजनीतिक निकास दिनुपर्ने पक्षमा देखिएका छन् ।

पार्टीले हतार नगरी परिपक्व ढंगले ठीक समयमा ठीक निर्णय गर्ने निष्कर्ष निस्किएको प्रवक्ता विश्वप्रकाश शर्माले जानकारी दिए ।

पदाधिकारी बैठकमा पार्टीले ठोस निर्णय गर्न नगरे पनि कांग्रेसले राजनीतिक निकासका लागि सांसदहरूको राय लिने प्रवक्ता शर्माले बताए । बैठकपछि प्रवक्ता विश्वप्रकाश शर्माले संसदीय दलको बैठकमा सांसदहरूको विचार लिने र प्रतिनिधि सभाको बैठक बस्ने दिनसम्म विकसित हुने राजनीतिक घटनाक्रमलाई विश्लेषण गरेर कांग्रेसले निर्णय गर्ने जानकारी दिए ।

‘बैठकमा साझा धारणा बनाउने र ठीक समय आएपछि निर्णयमा पुग्ने सहमति भएको छ । इन्जुरी टाइममा गोल गरेको भन्दा हुन्छ,’ प्रवक्ता शर्माले भने, ‘अहिले हामी एक खालको मनोविज्ञानमा पुगेका छौं । तर ठोस निर्णय संसदीय दलको बैठकमा सांसदहरूको धारणाका साथ गर्छौं । अविश्वासको प्रस्तावको प्रस्तावकको रूपमा जान्छौं कि अगुवाइ नै गरेर जान्छौं भन्ने कुरा त्यहीँ थाहा हुन्छ ।’

नेपाली कांग्रेसले सांसदहरूको धारणा लिन शुक्रवार संसदीय दलको बैठक बोलाएको छ । शुक्रवार नै नेकपा प्रचण्ड–माधव पक्षले नेपाली कांग्रेसका पदाधिकारीसँग छलफल गर्ने तयारी समेत गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग