प्रधानमन्त्री पदले कांग्रेसको ढोका ढक्ढक्याइरहेको छ तर स्वागत गरिसकेको छैन
प्रधानमन्त्री पदले कांग्रेसको ढोका ढक्ढक्याइरहेको छ तर स्वागत गरिसकेको छैन
काठमाडौं – प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले प्रधानमन्त्री पदले कांग्रेसको ढोका ढक्ढक्याए पनि पार्टी छलफलमै रहेको बताएका छन् ।
पार्टी सभापति शेरबहादुर देउवा निवास बूढानिलकण्डमा बसिरहेको पदाधिकारी र पूर्वपदाधिकारी बैठकका बेला सञ्चारकर्मीसँग कुरा गर्दै प्रवक्ता शर्माले पार्टीमा छलफल जारी रहे पनि हालसम्म कुनै निर्णय नभएको जानकारी दिए ।
राजनीतिक रूपमा विभाजित सत्तारुढ नेकपाको दुबै पक्षले कांग्रेसलाई प्रधानमन्त्री प्रस्ताव गरिरहेको जानकारी दिँदै शर्माले पार्टीले सोचविचार गरी निर्णय लिने जानकारी दिए ।
‘नेकपाका २ समूह, सञ्चारमाध्यम र आमसर्वधारणले प्रतिनिधिसभा पुनःस्थापनापछि कांग्रेसलाई हेरिरहेका छन् । प्रधानमन्त्री पदले कांग्रेसको ढोका ढक्ढक्याइरहेको छ । तर कांग्रेसले ढोका खोलेर स्वागत गरिसकेको छैन । अहिले झ्यालबाट मात्रै हेरिरहेका छौं ।’
सभापति देउवा नेकपाको पुष्पकमल दाहाल ‘प्रचण्ड’ र माधव नेपाल पक्षसँग मिलेर सरकार बनाउन तयार भए पनि औपचारिक लिखित प्रस्तावको पर्खाइमा रहेको जनाइएको छ ।
पदाधिकारी बैठकमा भावी सरकार गठन, त्यसको कांग्रेसको भूमिका र नेकपा विभाजनका आयामबारे छलफल चलिरहेको छ ।
बुधवार महामन्त्री शशांक कोइरालाले नेकपाको प्रचण्ड–नेपालसँग मिलेर सत्ता सहकार्य गर्नुपर्ने सार्वजनिक रूपमै बताएपछि कांग्रेसभित्र सरकारमा जाने विषयमा देखिएको मतभेद अन्त्य भएको स्रोतले जनाएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४