काठमाडौं – सर्वाेच्च अदालतले संसद पुनःस्थापना गरेपछि नेपाली कांग्रेसले आज पदाधिकारी बैठक बोलाएको छ ।

पार्टीको आगामी भूमिकाबारे छलफल गर्न सभापति शेरबहादुर देउवाले दिउँसो ३ बजेका लागि पदाधिकारी बैठक बोलाएका छन् ।

बुढानिलकण्ठस्थित देउवा निवासमा बस्ने बैठकमा पदाधिकारीसहित पूर्व पदाधिकारीहरूलाई पनि बोलाइएको कांग्रेस मुख्यसचिव कृष्णप्रसाद पौडेलले बताएका छन् ।

बैठकमा संसद पुनःस्थापनापछि कांग्रेसको आगामी रणनीति, विकसित राजनीतिक घटनाक्रम, नेकपा प्रचण्ड–नेपाल पक्षको प्रस्ताव लगायतबारे छलफल हुने कांग्रेस नेताहरुले बताएका छन् ।  

यसअघि हिजो बुधबार दिउँसो सभापति देउवासँग नेकपा प्रचण्ड–नेपाल पक्षका अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले बूढानीलकण्ठस्थित देउवा निवासमै पुगेर छलफल गरेका छन् ।

छलफलमा प्रचण्ड र नेपालले मिलेर अघि बढ्ने प्रस्ताव सभापति देउवालाई गरेका छन् । तर सभापति देउवाले पार्टीभित्र छलफल गरेर आफू निर्णयमा पुग्ने जवाफ दिएका छन् ।

संसद् पुनःस्थापनासँगै पार्टीको आगामी भूमिकाबारे कांग्रेसले संसदीय दलमा छलफल गर्ने भएको छ । सभापति देउवाका अनुसार पदाधिकारी बैठकपछि संसदमा आफ्नो भूमिका तय गर्न कांग्रेसले संसदीय दल बैठक पनि बोलाउने छ ।

हिजो बुधवार काठमाडौंमा आयोजित एक कार्यक्रम देउवाले चाँडै संसदीय दलको बैठक बोलाउने जनाएका छन् ।

नेकपा २ पक्षमा विभाजित भएको अवस्थामा अविश्वास प्रस्तावदेखि नयाँ सरकार निर्माणसम्म कांग्रेसको आगामी भूमिकालाई चासो साथ हेरिँदैछ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग