कांग्रेस बैठक सकियो, महाधिवेशनको नयाँ मितिबारे निर्णय
कांग्रेस बैठक सकियो, महाधिवेशनको नयाँ मितिबारे निर्णय
काठमाडौं – नेपाली कांग्रेसको १४ औं महाधिवेशन आगामी भदौमा हुने भएको छ ।
आज बुधवार साँझ बसेको केन्द्रीय कार्यसमिति बैठकले भदौमा महाधिवेशन गर्ने निर्णय गरेको छ ।
यसअघि फागुन ७–१० गतेसम्म पार्टीको १४ औं महाधिवेशन काठमाडौंमा गर्ने निर्णय भएपनि कोरोना महामारीका कारण हुने सकेन ।
केन्द्रीय कार्यसमिति बैठकअघि शीर्ष नेताबीच भएको छलफलमा महाधिवेशन भदौमा गर्ने निर्णय भएको थियो । सभापति शेरबहादुर देउवा सहितका शीर्ष नेताबीच भएको सहमतिअनुसार महामन्त्री पूर्णबहादुर खड्काले आगामी भदौ ७–१० गतेसम्म काठमाडौंमा महाधिवेशन गर्ने नयाँ कार्यतालिका बैठकमा पेश गरेका थिए । जसलाई बैठकले सर्वसम्मत पारित गरेको छ ।
बैठकअघि सभापति शेरबहादुर देउवा, वरिष्ठ नेता रामचन्द्र पौडेल, उपसभापति विमलेन्द्र निधि लगायतका नेताबीच पार्टी कार्यालयमा अनौपचारिक छलफल भएर भदौमा महाधिवेशन गर्ने सहमति जुटेको थियो ।
वर्तमान केन्द्रीय कार्यसमितिको ४ वर्षको कार्यकाल गत वर्ष फागुनमै सकिएको छ । विधानको व्यवस्थाअनुसार १ वर्ष कार्यकाल थप गर्दै १४ औं महाधिवेशन फागुन ७ गतेदेखि गर्ने भनिएपनि महाधिवेशन फेरि सरेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४