काठमाडौँ- नेपाली कांग्रेसको तरुण विभागले बागमती प्रदेशको सचिवको जिम्मेवारी उमेश मेहेर कायस्थलाई दिएको छ ।

काठमाडौंको लाजिम्पाटस्थित विभागको कार्यालयमा सोमबार आयोजित विशेष कार्यक्रममा नेपाली कांग्रेसका केन्द्रीय सदस्य एवम् विभागका प्रमुख शंकर भण्डारीले कायस्थलाई बागमती प्रदेशको तरुण विभागको सचिवको जिम्मेवारी दिएका हुन् ।

कांग्रेसको खेलकुद विभागका सचिव मीनकृष्ण महर्जनले बागमती प्रदेशका तरुणहरूलाई क्रियाशील बनाएर कांग्रेसको संगठन निर्माणका लागि कायस्थलाई पूर्वमन्त्री समेत रहेका विभागका प्रमुख भण्डारीले निर्देशन दिएको जानकारी दिए ।

कायस्थ नेपाल विद्यार्थी संघ (नेविसंघ) ललितपुरका पूर्वअध्यक्ष समेत हुन् । कायस्थ ललितपुरमा लोकप्रिय युवा नेताको रुपमा परिचित छन् । विद्यार्थीकालदेखि नै उनी राजनीतिमा सक्रिय थिए ।

कांग्रेसको राजनीतिका साथै कायस्थ सामाजिक कार्यहरूमा सक्रिय छन् । २०७० सालको दोस्रो संविधान सभा निर्वाचनमा युवा परिचालन कमिटीको सचिवको जिम्मेवारी पाएका कायस्थले निर्वाचनमा विशेष भूमिका खेलेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।