काठमाडौं – प्रतिनिधिसभा संसद विघटनविरुद्ध अझै आन्दोलन गर्ने कि अदालतको निर्णय पर्खने भन्ने अलमलबीच भोलि मंगलबार नेपाली कांग्रेस केन्द्रीय कार्यसमिति बैठक बस्दैछ ।

पार्टी कार्यालय सानेपामा दिउँसो १ बजे बस्ने बैठकमा पार्टीको १४ औं महाधिवेशनको तयारी र संसद विघटन विरुद्धको आन्दोलनबारे छलफल हुने सहमहामन्त्री डा. प्रकाशशरण महतले बताएका छन् ।

बैठकअघि संसद विघटनविरुद्ध आन्दोलन घोषणा हुने वा नहुने प्रस्ट भइसकेको छैन । बैठकको अघिल्लो दिन सोमवार सानेपामा २ महामन्त्रीसहित दुवै पक्षका नेताहरू छलफलमा जुटेका थिए ।

वरिष्ठ नेता रामचन्द्र पौडेल पक्षका नेताहरूले आन्दोलनका थप कार्यक्रम सार्वजनिक गर्नुपर्नेमा जोड दिएका छन् । तर सभापति शेरबहादुर देउवा निकट नेताहरूले भने सभापतिसँगै सल्लाह गर्नुपर्ने धारणा राखेका थिए ।

पार्टी कार्यालयमा दुवै पक्षका नेता बस्नुअघि पौडेल पक्षका नेताहरू महामन्त्री शशांक कोइराला निवासमा भेला भएका थिए । नेताहरूले संसद विघटन असंवैधानिक भएकाले आन्दोलनका थप कार्यक्रम ल्याउनुपर्नेमा जोड दिएका छन् ।

पार्टी सभापति शेरबहादुर देउवा भने आन्दोलन घोषणा गरिहाल्ने पक्षमा छैनन् । उनले अदालतमा विचाराधीन मुद्दा प्रभावित हुने गरी आन्दोलन गर्न नहुने तर्क गर्दै आएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग