काठमाडौं – नेपाली कांग्रेसका वरिष्ठ नेता रामचन्द्र पौडेलमाथि तनहुँमा भएको दुर्व्यवहार र गिरफ्तारीको विषयमा छलफल गर्न सभापति शेरबहादुर देउवाले आकस्मिक बैठक बोलाएका छन् ।

गिरफ्तारी घटनाका सम्बन्धमा छलफल गर्न सभापति देउवाले पदाधिकारी र पूर्व पदाधिकारीको आकस्मिक बैठक बोलाएका छन् ।

बुढानिलकण्ठस्थित देउवानिवासमा शुक्रवार दिउँसो २ बजे पदाधिकारी र पूर्व पदाधिकारीहरूको बैठक बस्ने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जनाएका छन् ।

यसअघि बिहीवारकै लागि बैठक बोलाइएको थियो । तर वरिष्ठ नेता पौडेल समेत काठमाडौं आउने र उनको समेत उपस्थिति हुने गरी शुक्रवार दिउँसोलाई बैठक सारिएको हो । 

गृहजिल्ला तनहुँको व्यास नगरपालिका–१, १० र ११ जोड्ने तालघरे–दुम्सीचौर सडकको बुल्दी खोला पुल उद्घाटन गर्न गएका नेता पौडेललाई बुधवार दिउँसो प्रहरीले पक्राउ गरी ३ घण्टा नियन्त्रणमा राखेको थियो । साँझ कांग्रेस सभापति देउवाले विज्ञप्ति जारी गर्दै नेता पौडेलप्रतिको दुर्व्यवहार र गिरफ्तारी सर्वसत्तावादको संकेत भएको बताएका थिए । 

सभापति देउवा र नेता पौडेलले प्रधानमन्त्री केपी शर्मा ओली नेतृत्वको सरकारविरुद्ध कडा शब्दमा आक्रोश पोखेका छन् । कांग्रेसका भातृ संगठनले समेत देशभर विभिन्न क्षेत्रमा विरोध प्रदर्शन गरेका छन् ।

नेता पौडेलसहित नेता–कार्यकर्तामाथि भएको धरपकडको घटना आपत्तिजनक र निन्दनीय भएको भन्दै सभापति देउवाले कांग्रेसले सरकारको प्रवृत्तिविरुद्ध देशव्यापी प्रतिरोध गर्ने बताएका थिए । शुक्रवारको बैठकमा घटनाको समीक्षा गर्दै सरकारको प्रवृत्तिको प्रतिरोधका विषयमा समेत छलफल हुने कांग्रेसले जानकारी दिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग