राष्ट्रसंघमा कार्यरत दुई नेपाली डार्फरबाट अपहरित

मिडिया डबली संवाददाता प्रकाशित : सोमवार, मंसिर १३, २०७३

संयुक्त राष्ट्रसंघीय शरणार्थी नियोग, सुडानमा कार्यरत दुई नेपाली आइतबार अपहरणमा परेका छन्। हतियारधारी एक समूहले दुई नेपाली र एक सुडानीलाई अपहरण गरेको अन्तरार्ष्ट्रिय समाचार संस्था एएफपीले जनाएको छ।

पहरणमा परेका तीन जना नै राष्ट्रसंघीय कर्मचारी हुन्। राष्ट्रसंघीय शरणार्थी नियोग (युएनएचसीआर) मा कार्यर्त उनीहरु आइतबार पश्चिम डार्फरको राजधानी जिनियानाबाट अपहरणमा परेका हुन्।

‘हतियारधारी एक समूहले जिनियानाबाट दुई नेपाली र एक सुडानी नागरिकको अपहरण गरेको छ’, प्रान्तीय सरकारका प्रवक्ता अब्दुल्लाह मुस्तफाले भने, ‘सुरक्षाकर्मीले अपहरणकारीको खोजी गरिरहेका छन्।

अपहरणमा परेका कर्मचारीको नाम युएनएचसीआरले सार्वजनिक गरेको छैन। ‘हामी आकस्मिक बैठकमा छौं’, मोबाइल मेसेजमार्फत जवाफदिँदै युएनएचसीआर प्रवक्ताले भने।

डार्फर हिंसामा अहिलेसम्म ३ लाख मानिसको मृत्यु भइसकेको र २५ लाख विस्थापित भएको राष्ट्रसंघले ताउँदै आएको छ। यो हिंसाका लागि अरब समर्थित ओमार अल बसिरलाई जिम्मेवार ठानिँदै आइएको छ।