देशभर बाढी – पहिरो, ३३ जनाको ज्यान गयो, १५ जना बेपत्ता

मिडिया डबली संवाददाता प्रकाशित : शनिबार, असार २८, २०७६

http://www.nepatop.com.np/

काठमाडौँ- अविरल वर्षाको कारण शुक्रबारदेखि देशका विभिन्न स्थानमा आएको बाढी पहिरोमा परी शनिबार दिउँसोसम्म ३३ जनाको मृत्यु भएको छ । बाढी पहिरोमा परी १५ जना बेपत्ता भएका छन् भने १२ जना घाइते भएका छन् ।

बाढी पहिरोमा परी ललितपुर र भोजपुरमा पाँचरपाँच जना, काठमाडौँ, खोटाङ र काभ्रेमा तीनरतीन जना, मकवानपुर, धादिङ र सिन्धुलीमा दुईरदुई जना तथा ओखलढुंगा, पर्सा, रामेछाप, ईलाम, झापा, सुनसरी, बारा र चितवनमा एकरएक जना गरी ३३ जनाको ज्यान गएको हो ।

बाढी पहिरोमा परेका काठमाडौँमा १०८ जना, उदयपुरमा १० जना, ललितपुरमा ८ जना, सिन्धुलीमा २ जना, सिरहामा २ जना, भक्तपुर, सुनसरी र मकवानपुरमा एकरएक जना गरी १३३ जनाको सकुशल उद्दार गरिएको प्रहरीले जनाएको छ ।

बाढी पहिरोबाट मकवानपुरमा ४ जना, काभ्रेमा २ जना तथा खोटाङ, रामेछाप, धादिङ, दोलखा, सुनसरीमा र चितवन एकरएक जना गरी १२ जना घाइते भएका छन् ।

सिन्धुलीमा ४ जना, काठमाडौँ, ललितपुर, पाँचथर, झापा, उदयपुर, मोरङ, सुनसरी, पर्सा, महोत्तरी, रौतहट, धादिङमा एकरएक जना गरी १५ जना वेपत्ता भएका छन् ।

बाढी तथा पहिरोबाट प्रभावित स्थानहरुमा सम्बन्धित प्रदेशका प्रहरी कार्यालयका प्रमुख, प्रहरी नायब महानिरीक्षकहरु सहित काठमाण्डौँ उपत्यकामा ८८५६ जना, प्रदेश नं १ मा ६३०५ जना, प्रदेश नं २ मा ५७०२ जना, प्रदेश नं ३ मा ३४०५ जना , प्रदेश नं ६ मा ३११२ जना गरि २७,३८० प्रहरी कर्मचारीहरु परिचालित भएका छन् ।

विभिन्न स्थानमा भएको बाटो अवरोध समेत प्रहरीले हटाउने कार्य गरिरहेको छ ।