राष्ट्रपति विद्यादेवी भण्डारी चीन पुगेर नेपालको बदनाम ! गर्न नहुने काम भएपछि …

मिडिया डबली संवाददाता प्रकाशित : शुक्रबार, बैशाख १३, २०७६

काठमाडौं – राष्ट्रपति विद्यादेवी भण्डारी उच्च स्तरीय भ्रमणका क्रममा हाल चीनमा छिन् ।

चीन भ्रमणमा रहेका बेला भ्रमण टोलीका सदस्यले गर्न नहुने काम गरिरहेको खुलासा भएको छ ।

विशिष्ट व्यक्तिको विदेश भ्रमणका बेला परराष्ट्र मन्त्रालयले आवश्यक प्रोटोकल निर्धारण गर्ने प्रचलन छ । शिष्टाचार महापालका रुपमा परराष्ट्र मन्त्रालयअन्तर्गतकै निकायले विशिष्ट व्यक्तिको भ्रमणका बेला के गर्न हुने वा नहुने भन्ने विषय निर्धारण गर्ने प्रचलन रहँदै आएको छ ।

राष्ट्रपति विद्यादेवी भण्डारीको चीन भ्रमणमा परराष्ट्र मन्त्रालय र मन्त्री प्रदीप ज्ञवालीले नै प्रोटोकल उल्लंघन गरेको भेटिएको छ । राष्ट्रपति भण्डारीको चीन भ्रमणका क्रममा भएको कुटनीतिक भेटघाटका क्रममा परराष्ट्रमन्त्री प्रदीप ज्ञवालीले नै स्पोर्टस् जुत्ता लगाएका छन् । कुटनीतिक मर्यादाको ख्याल परराष्ट्रमन्त्री आफैले नगरेको देखिएको हो ।


राष्ट्रपति भण्डारी चीनको विमानस्थलमा अवतरण गरेपछि भण्डारीभन्दा अगािड अर्का एकजना नेपाली ओर्लिएको समेत देखिएको छ । कुटनीतिक मर्यादाअनुसार विशिष्ट व्यक्तिको भ्रमणका बेला अगाडि अरु व्यक्तिहरु हिड्न नहुने मान्यता रहेको छ । तर राष्ट्रपति भण्डारीभन्दा अघि अघि एकजना नेपाली ओर्लिएका हुन् ।

परराष्ट्र मन्त्रालयले नेपालमै हुने औपचारिक कार्यक्रमका लागि ड्रेसकोड निर्धारण गर्ने गरेको छ । राष्ट्रपति कार्यालयमा हुने कुनै–कुनै कार्यक्रममा ड्रेसकोड नमिलेको भन्दै सहभागीलाई फिर्ता गराउने समेत गरिन्छ ।

तर राष्ट्रपति भण्डारीको चीन भ्रमणको समयमा परराष्ट्रमन्त्री ज्ञवालीले नै कुटनीतिक मर्यादाको ख्याल नगर्दा सर्वत्र आलोचना भइरहेको छ ।

कुटनीतिक मामिला जानकार मधुरमण आचार्यले भने, ‘विशिष्ट व्यक्तिको राजकीय भ्रमणमा सहभागी हुनेहरूलाई प्रोटोकलको जानकारी नगराउँदा समस्या देखिएको हुनसक्छ । प्रोटोकलको ख्याल नगर्दा देशकै बद्नाम समेत हुन सक्छ ।’